AI Lab-ის, ქართულ-ამერიკული უნივერსიტეტის (GAU) და საქართველოს ხელოვნური ინტელექტის ასოციაციის (GAIA) ორგანიზებით, განათლების და მეცნიერების სამინისტროს ახალგაზრდა მეცნიერთა კვირეულის ფარგლებში, ჩატარდა კონფერენცია თემაზე - „AI: კვლევა და მომავალი“ (17.06.24)

კონფერენციის მიზანი:

- ხელოვნური ინტელექტის სფეროში ჩართულ ახალგაზრდა მკვლევართა მხარდაჭერა და მათი საქმიანობის პოპულარიზაციის ხელშეწყობა;

- ქართული ხელოვნური ინტელექტისა და ამ მიმართულებით შექმნილი პროდუქტების გაცნობა და მათი ინოვაციური პოტენციალის წარმოჩენა;

- სკოლის მოსწავლეების, პროფესიული და უმაღლესი საგანმანათლებლო დაწესებულებების სტუდენტების, ახალგაზრდების ხელოვნური ინტელექტით დაინტერესება და მათი ჩართულობის გაზრდა.

კონფერენცია შედგებოდა ახალგაზრდა ქართველი მკვლევარების ძირითადი გამოსვლების, პანელური დისკუსიებისა და ვორქშოფებისგან, სადაც მომხსენებლები ხელოვნური ინტელექტის გარშემო, საკუთარი კვლევებისა და პროდუქტების პროგრესზე საუბრობდნენ.

ღონისძიებაზე AI Lab-ის თანადამფუძნებელმა, რაფაელ კალანდაძემ, ფართო აუდიტორიას გააცნო მიმდინარე პროექტი, რომლის ფარგლებშიც შეიქმნება გენერაციული ხელოვნური ინტელექტის 9 თვიანი სასწავლო პროგრამა. პროექტს ახორციელებს სუპერნოვა და ქართულ-ამერიკული უნივერსიტეტი კერძო სექტორის ჩართულობითა და USAID-ის დამსაქმებლები პროფესიული განათლებისთვის პროგრამის მხარდაჭერით.

ღონისძიების მხარდამჭერები იყვნენ: TBC, Impel Inc.