ქართულ-ამერიკული უნივერსიტეტი აცხადებს კონკურსს ევროკომისიის მიერ დაფინანსებულ Erasmus+ პროგრამაზე, ესპანეთში, ვიგოს უნივერსიტეტში! 

პროგრამის ფარგლებში გამარჯვებული კანდიდატი შეძლებს დაფინანსების მოპოვებას და სწავლას ერთი სემესტრის განმავლობაში 2026-2027 სასწავლო წლის შემოდგომის სემესტრში!

კონკურსში მონაწილეობის პირობები:

• კონკურსში მონაწილეობის მიღება შეუძლიათ როგორც ბიზნესის ადმინისტრირების, ინფორმატიკისა და სამართლის საბაკალავრო პროგრამების მეორე, მესამე, მეოთხე, მეხუთე და მეექვსესემესტრის სტუდენტებს, ასევე ამავე პროგრამების მაგისტრატურის პირველი და მეორე სემესტრის სტუდენტებს.
• აუცილებელი წინაპირობაა ინგლისური ენის B2 დონეზე ცოდნა (რომელიც შემოწმდება გასაუბრებისშედეგად).
• „უმაღლესი განათლების შესახებ საქართველოს კანონში” ცვლილების შეტანის თაობაზე საქართველოს კანონის 492 მუხლის მე-4 პუნქტის თანახმად დაუშვებელია გაცვლით საგანმანათლებლო პროგრამის მონაწილე სტუდენტისათვის სტუდენტის სტატუსის შეჩერება. მობილობის პროგრამაში მონაწილე სტუდენტი მშობლიურ უნივერსიტეტში ირიცხება, როგორც აქტიური სტუდენტი და შესაბამისად, სტუდენტმა ყველა სემესტრში უნდა გაიაროს ადმინისტრაციული რეგისტრაცია და გადაიხადოს სემესტრის საფასური ქართულ-ამერიკულ უნივერსიტეტში.

დაფინანსება მოიცავს:

• უფასო სწავლა;
• 850 ევრო ყოველთვიურად დაბინავებისა და კვების ხარჯების ასანაზღაურებლად;
• 1188 ევროს ოდენობით მგზავრობის ხარჯების ანაზღაურება;
• შერჩეულმა სტიპენდიანტებმა თავად უნდა აანაზღაურონ სავიზო მოსაკრებლის ხარჯები.

სააპლიკაციო დოკუმენტაციის ჩამონათვალი სტუდენტებისთვის:

• CV-ს ევროპული ფორმატი (ინგლისურ ენაზე, არაუმეტეს ორი გვერდისა).
• პასპორტის ასლი;
• ცნობა სტუდენტის სტატუსის შესახებ (ოფიციალური დოკუმენტი ინგლისურ ენაზე);
• უნივერსიტეტის ნიშნების ამონაწერი (ოფიციალური დოკუმენტი ინგლისურ ენაზე);
• ინგლისური ენის სერტიფიკატი (საერთაშორისო სერტიფიკატი, ან GAU-ში გავლილი საგნის - ინგლისური ენის მინიმუმ B2 დონის ცოდნის დამადასტურებელი სერტიფიკატი);
• Learning Agreement (გაეცანით: გზამკვლევი ქართველი სტუდენტებისთვის);
• ფაკულტეტის დეკანის რეკომენდაცია(მხოლოდ სამართლის სტუდენტებისთვის) .

შესარჩევი პროცესი:

• დოკუმენტაციის შემოწმება (ქართულ-ამერიკული უნივერსიტეტი);
• გასაუბრება შესარჩევ კომისიასთან (ქართულ-ამერიკული უნივერსიტეტი);
• დოკუმენტების განხილვა/სტიპენდიის მინიჭება (ქართულ-ამერიკული უნივერსიტეტი).

მობილობის პერიოდი და ხანგრძლივობა:

• 2026-2027 სასწავლო წლის შემოდგომის სემესტრი.

საგნების კატალოგი: https://www.uvigo.gal/en/study/what-study

კონკურსში მონაწილეობის მსურველებმა 2026 წლის 23 მარტის 17:00 საათამდე. გამოაგზავნეთ სააპლიკაციო დოკუმენტაცია (ყველა დოკუმენტი ცალ-ცალკე PDF ფორმატში) შემდეგ ელექტრონულ მისამართზე: exchange@gau.edu.ge

გთხოვთ, მეილის სათაურად მიუთითოთ: ვიგოს უნივერსიტეტი, ბაკალავრი (ან მაგისტრი).

დამატებითი კითხვების არსებობის შემთხვევაში დაგვიკავშირდით შემდეგი ელ-ფოსტის საშუალებით: nini.palavandishvili@gau.edu.ge; keso.mechurchlishvili@gau.edu.ge