ქართულ-ამერიკული უნივერსიტეტის (GAU) ჰუმანიტარულ მეცნიერებათა და ლიბერალური სკოლის ლექტორის თამარ გელაშვილის “Nothing Real”, პოსტმოდერნისტულმა პიესამ, 2020 წელს დრამატურგიაში ერთ-ერთი ყველაზე პრესტიჟული ჯილდო „თუმანიშვილის ვაშლი“ მოიპოვა.

22 დეკემბერს (2020) GAU-ს საჯარო შეხვედრების ფარგლებში ვისაუბრეთ ტექსტის ავტორთან და GAU-ს მოწვეულ ლექტორთან, თამარ გელაშვილთან.

შეხვედრაზე განხილული იყო შემდეგი საკითხები:

• კონკურსის „ახალი ქართული პიესა“ მნიშვნელობა და დრამატურგიის განვითარებაში შეტანილი წვლილი;
• მწერლები და ლიტერატურული ტექსტები, რომელიც ავტორისთვის შთაგონების წყაროდ იქცა;
• პიესის ინგლისურენოვანი სათაურის სიმბოლიკა;
• პიესის დადგმის შესაძლებლობა;
• თუმანიშვილის ფონდის პროექტი "თარგმნილი პიესა".

შეხვედრას მოდერატორობას უწევდა GAU-ს მარკეტინგის გუნდის წევრი ანანო ციცვიძე.