6 ივნისს GAU ამერიკის დღეებისადმი მიძღვნილ ღონისძიებაში მონაწილეობდა. რიყეზე გამართულ საგანმანათლებლო გამოფენაზე ქართულ-ამერიკული უნივერსიტეტი საინფორმაციო სტენდით იყო წარმოდგენილი, სადაც დამთვალიერებელს საჩუქრად ტკბილეული, GAU-ს ბუშტები, კალმები და ბროშურები ელოდა.
GAU-ში მიმდინარე სიახლეების შესახებ კი ინფორმაციას მათ GAU-ს პრეზიდენტი, ადმინისტრაციის წევრები, თვითმმართველობის წარმომადგენლები და სხვა სტუდენტები აწვდიდნენ. სასიამოვნო და მხიარულ ატმოსფეროს გამოფენის პარალელურად მიმდინარე Dangerflow-ს კონცერტიც ქმნიდა.
საღამოს GAU-ს სტენდი ამერიკის შეერთებული შტატების ელჩმა საქართველოში, რიჩარდ ნორლანდმა და საქართველოს ელჩმა ამერიკის შეერთებულ შტატებში, არჩილ გეგეშიძემ, მოინახულეს. რიჩარდ ნორლანდმა თანმხლებ პირებს ქართულ-ამერიკული უნივერსიტეტი წარუდგინა როგორც ერთ-ერთი ლიდერი უმაღლეს სასწავლებლებს შორის და GAU-ს ათწლიან საქმიანობაზე, განათლნების სფეროსა და ქართულ-ამერიკულ ურთიერთობებში შეტანილ წვლილზე ისაუბრა.
