ქართულ-ამერიკულმა უნივერსიტეტმა Erasmus+ ადმინისტრაციული მობილობის ფარგლებში ლორენის უნივერსიტეტის IAE მეცის მენეჯმენტის სკოლის საერთაშორისო ურთიერთობების ხელმძღვანელს, ატეფ აზზის უმასპინძლა.

ვიზიტის ფარგლებში, ატეფ აზზი შეხვდა ქართულ-ამერიკული უნივერსიტეტის პრეზიდენტს, ბატონ რ. მაიკლ ქაუგილს, საერთაშორისო ურთიერთობების სამსახურის გუნდსა და კვლევის განვითარებისა და ხელშეწყობის ოფისს. 

ქართულ-ამერიკულ უნივერსიტეტსა და IAE მეცის მენეჯმენტის სკოლას აქტიური თანამშრომლობა აკავშირებს Erasmus+ გაცვლითი პროგრამის ფარგლებში. ამ ვიზიტის მიზანიც სწორედ, პარტნიორებს შორის თანამშრომლობის გაძლიერება იყო.