ქართულ-ამერიკული უნივერსიტეტის ინფორმატიკისა და ინჟინერიის სკოლის მშენებლობის საბაკალავრო პროგრამის ხელმძღვანელი, პროფესორი თეა ნარეკლიშვილი, საქართველოს პრემიერ-მინისტრის 2026 წლის 27 ივლისის №158-ე ბრძანების საფუძველზე, 2 წლის ვადით დაინიშნა საგანმანათლებლო პროგრამების აკრედიტაციის საბჭოს წევრად.

პროფესორი თეა ნარეკლიშვილი საგანმანათლებლო პროგრამების აკრედიტაციის საბჭოს წევრად წარდგენილ იქნა უნივერსიტეტის მხრიდან. მისი დანიშვნა წარმოადგენს ქართულ-ამერიკული უნივერსიტეტისა და ინფორმატიკისა და ინჟინერიის სკოლის მნიშვნელოვან საუნივერსიტეტო მიღწევას, ასევე უნივერსიტეტის აკადემიური პერსონალის პროფესიული კომპეტენციისა და გამოცდილების ეროვნულ დონეზე აღიარებას.

2026 წლის 18–20 სექტემბერს, ქ. თელავში, თეა ნარეკლიშვილმა მონაწილეობა მიიღო საგანმანათლებლო პროგრამების აკრედიტაციის საბჭოს სამუშაო შეხვედრაში, რომელშიც საბჭოს წევრებთან ერთად მონაწილეობდნენ საქართველოს განათლების, მეცნიერებისა და ახალგაზრდობის მინისტრი, მინისტრის მოადგილე, სამინისტროს შესაბამისი დეპარტამენტების ხელმძღვანელები, განათლების ხარისხის განვითარების ეროვნული ცენტრის დირექტორი და უმაღლესი განათლების ხარისხის უზრუნველყოფის სამსახურის ხელმძღვანელი.

სამუშაო შეხვედრის ფარგლებში განხილულ იქნა 2025–2026 წლებში აკრედიტაციის საბჭოს მიერ გაცემული რეკომენდაციების თემატური ანალიზი, საგანმანათლებლო პროგრამების აკრედიტაციის სტანდარტები, უმაღლესი განათლების სისტემის რეფორმის მიმდინარეობა, აკრედიტაციის საბჭოს საქმიანობის პრაქტიკა და არსებული გამოწვევები, საქართველოში განათლების ხარისხის უზრუნველყოფის საკითხები, საბჭოს საქმიანობის ძირითადი პრინციპები და პასუხისმგებლობები, ეთიკის კოდექსი და ინტერესთა კონფლიქტის ნორმები, აგრეთვე სადოქტორო, ერთობლივი, რეგულირებადი და ინტერნაციონალიზაციის კომპონენტის მქონე საგანმანათლებლო პროგრამების შეფასების თავისებურებები და აკრედიტაციის გადაწყვეტილებების მიღებისა და გასაჩივრების მექანიზმები.

საგანმანათლებლო პროგრამების აკრედიტაციის საბჭოს წევრობა მაღალი პასუხისმგებლობის მქონე პროფესიული საქმიანობაა, რომელიც დაკავშირებულია საქართველოში უმაღლესი განათლების ხარისხის უზრუნველყოფისა და განვითარების პროცესთან. საბჭოს საქმიანობა მოიცავს საგანმანათლებლო პროგრამების შეფასების, აკრედიტაციის სტანდარტების, ხარისხის უზრუნველყოფის მექანიზმებისა და უმაღლესი განათლების განვითარების საკითხების განხილვასა და შესაბამისი გადაწყვეტილებების მიღების პროცესში მონაწილეობას. საბჭოს წევრობა ხელს უწყობს პროფესორის პროფესიულ და აკადემიურ განვითარებას, განსაკუთრებით საგანმანათლებლო პროგრამების ხარისხის უზრუნველყოფის, აკრედიტაციის სტანდარტების, პროგრამების შეფასებისა და უმაღლესი განათლების თანამედროვე მოთხოვნების მიმართულებით. მიღებული ცოდნა და გამოცდილება წარმოადგენს მნიშვნელოვან რესურსს ქართულ-ამერიკული უნივერსიტეტის საგანმანათლებლო პროგრამების შემდგომი განვითარებისა და ხარისხის გაუმჯობესებისთვის.

განსაკუთრებული მნიშვნელობა აქვს აღნიშნულ საქმიანობას პროფესორ თეა ნარეკლიშვილის, როგორც ინფორმატიკისა და ინჟინერიის სკოლის მშენებლობის საბაკალავრო პროგრამის ხელმძღვანელის, საქმიანობის კონტექსტში. აკრედიტაციის პროცესში მიღებული ეროვნული მასშტაბის პროფესიული გამოცდილება ხელს უწყობს პროგრამის ხელმძღვანელის კომპეტენციების გაძლიერებას და მიღებული გამოცდილების უშუალოდ პროგრამის განვითარებაში, თვითშეფასების, ხარისხის უზრუნველყოფისა და უწყვეტი გაუმჯობესების პროცესებში გამოყენებას.

აღნიშნული საქმიანობა ასევე აძლიერებს ქართულ-ამერიკული უნივერსიტეტის ინსტიტუციურ ხილვადობასა და აკადემიურ რეპუტაციას. უნივერსიტეტის წარმომადგენლობა საგანმანათლებლო პროგრამების აკრედიტაციის საბჭოში ქმნის შესაძლებლობას, უნივერსიტეტის აკადემიური პერსონალის პროფესიული გამოცდილება და ხედვები წარმოდგენილი იყოს უმაღლესი განათლების ხარისხის უზრუნველყოფის ეროვნულ დონეზე.

ამასთან, იმის გათვალისწინებით, რომ საბჭოს შემადგენლობა შეზღუდულია და მასში ყველა უმაღლესი საგანმანათლებლო დაწესებულების წარმომადგენლობა ვერ ხერხდება, ქართულ-ამერიკული უნივერსიტეტის პროფესორის საბჭოს წევრად დანიშვნა წარმოადგენს უნივერსიტეტის აკადემიური პერსონალის პროფესიული ავტორიტეტისა და კომპეტენციის მნიშვნელოვან აღიარებას.

2026 წლის 8–9 ოქტომბერს დაგეგმილია პროფესორ თეა ნარეკლიშვილის მონაწილეობა განათლების ხარისხის განვითარების ეროვნული ცენტრის მიერ ორგანიზებულ საერთაშორისო კონფერენციაში, რომელშიც მონაწილეობას მიიღებენ საერთაშორისო პარტნიორი ორგანიზაციების, მათ შორის ENQA-ს, EQAR-ის, WFME-ისა და ევროპული ხარისხის უზრუნველყოფის სააგენტოების წარმომადგენლები, აგრეთვე უმაღლესი განათლების საერთაშორისო ექსპერტები. კონფერენციის ფარგლებში გაიმართება GEOREF პროექტის შემაჯამებელი ღონისძიებაც.

საერთაშორისო პროფესიულ ღონისძიებაში მონაწილეობა დამატებით ხელს უწყობს საერთაშორისო გამოცდილების გაძლიერებას, ხარისხის უზრუნველყოფის ევროპულ და საერთაშორისო პრაქტიკასთან პროფესიულ გაცნობას და აღნიშნული გამოცდილების ქართულ-ამერიკული უნივერსიტეტის აკადემიურ გარემოში გაზიარებას.

აღნიშნული საქმიანობა წარმოადგენს როგორც პროფესორის განვითარების მნიშვნელოვან მიმართულებას, ისე ქართულ-ამერიკული უნივერსიტეტის ინსტიტუციური განვითარების, აკადემიური რეპუტაციის, ხარისხის კულტურისა და საგანმანათლებლო პროგრამების უწყვეტი გაუმჯობესების ხელშემწყობ მნიშვნელოვან საუნივერსიტეტო მიღწევას.