ქართულ-ამერიკულმა უნივერსიტეტმა მონაწილეობა მიიღო საერთაშორისო კრედიტ მობილობის ფარგლებში ორგანიზებულ კვირეულ ღონისძიებაში, რომელსაც უმაღლესი განათლების ინტერნაციონალიზაცია ეძღვნა. საქართველოში ხაენის უნივერსიტეტის 30 წარმომადგენელი ჩამოვიდა (28.01.2026).

GAU-ს საერთაშორისო ურთიერთობების უფროსმა, თამარა მეჭურჭლიშვილმა ისაუბრა უმაღლესი განათლების როლზე საქართველოს ევროინტეგრაციის პროცესში და ერასმუს პლუსის პროგრამის მნიშვნელობაზე ევროპული ღირებულებების დამკვიდრებაში. 

ხაენის უნივერსიტეტი ქართულ-ამერიკული უნივერსიტეტის ყველაზე ძველი და უდიდესი პარტნიორია. ერასმუსის ფარგლებში GAU-დან 15 სტუდენტმა და 10 თანამშრომელმა გაიარა გაცვლითი პროგრამა ხაენში. შეხვედრაზე განიხილეს თანამშრომლობის გაფართოების ახალი შესაძლებლობები. ღონისძიებას ესწრებოდნენ ქართული უნივერსიტეტებისა და ესპანეთის საელჩოს წარმომადგენლები.