საქართველოს ბანკის სტიპენდია GAUელებისთვის!
მიიღე საქართველოს ბანკის სტიპენდია და ისწავლე სრული დაფინანსებით GAU-ში!
საქართველოს ბანკი ქმნის განათლების შესაძლებლობებს და მოტივირებულ, ლიდერული თვისებების მქონე ახალგაზრდებს ფინანსურ მხარდაჭერას სთავაზობს. სწორედ ამ მხარდაჭერის ფარგლებში სტუდენტებს გაქვთ შესაძლებლობა, ჩაერთოთ საქართველოს ბანკის სასტიპენდიო პროგრამაში, მიიღოთ მიმდინარე წლის 100%-იანი ან ნაწილობრივი დაფინანსება (იმ შემთხვევაში თუ სახელმწიფო გრანტით სარგებლობთ, სრულად დაგიფინანსდებათ დარჩენილი ნაწილი) და ისწავლოთ ქართულ-ამერიკულ უნივერსიტეტში.
მონაწილეობის მოთხოვნები:
- უნდა იყო საქართველოს მოქალაქე
- უნდა იყოს ბაკალავრის საფეხურის სტუდენტი
- უნდა გქონდეს მაღალი აკადემიური მოსწრება (GPA >= 3.2)
შერჩევის პროცესი შედგება ორი ეტაპისგან:
1. პირველი ეტაპის შეფასების კრიტერიუმები:
- აკადემიური მიღწევა - GPA (40 ქულა)
- რეკომენდაცია (40 ქულა)
2. გასაუბრების კრიტერიუმები:
- კომუნიკაციის უნარი (45 ქულა)
- პერსონალური მოტივაცია და მიზნები (40 ქულა)
- ლიდერული თვისებები (15 ქულა)
- პირადი და პროფესიული პრეზენტაცია (20 ქულა)
ჟიურის წევრები:
- გასაუბრებაზე წარმოდგენილნი იქნებიან როგორც ქართულ-ამერიკული უნივერსიტეტის, ასევე საქართველოს ბანკის წარმომადგენლები.
დაინტერესებულ მონაწილეებს აპლიკაციების გამოგზავნა შეგიძლიათ შემდეგი დოკუმენტებით:
- აკადემიური შეფასება (აკუმულირებული GPA)
- დეკანის სარეკომენდაციო წერილი
კიდევ რა უნდა იცოდე საქართველოს ბანკის სტიპენდიის შესახებ?
- სწავლის დაფინანსების მიღება შეუძლია საბაკალავრო საფეხურზე მყოფ ნებისმიერ სტუდენტს;
- სტუდენტები შეირჩევიან მაღალი აკადემიური მოსწრებითა და ლიდერობის პოტენციალით;
- სასტიპენდიო პროგრამის გამარჯვებულები შეირჩევიან კონკრეტული კრიტერიუმებისა და პრიორიტეტული მიმართულებების შესაბამისად;
- აპლიკაციის შევსება შესაძლებელია stipendia.bog.ge -ზე
რეგისტრაცია შესაძლებელია 30 ნოემბრამდე.
P.S კონკურსის შიდა პროცესები დაიწყება შემოდგომის სემესტრის დასასრულსა და მიღებული შეფასებების (GPA) ასახვის შემდგომ, საორიენტაციო პერიოდია თებერვლის დასაწყისი.
