GAU-ს ინფორმატიკისა და ინჟინერიის სკოლის დეკანი, ნატა ბაჯიაშვილი და ვიცე-დეკანი, ნინო ლოლაშვილი 29-30 აპრილს სამუშაო ვიზიტით თურქეთში იმყოფებოდნენ!

ვიზიტის ფარგლებში ურთიერთთანამშრომლობის მემორანდუმები გაფორმდა სამ წამყვან უნივერსიტეტთან:

• Osmaniye Korkut Ata University
• Toros University 
• Tarsus University 

აღნიშნული თანამშრომლობა ითვალისწინებს:

- სტუდენტებისა და აკადემიური პერსონალის გაცვლით პროგრამებს

- ერთობლივი კვლევითი პროექტებისა და საგანმანათლებლო პროგრამების განხორციელებას

- საერთაშორისო კონფერენციებში თანამშრომლობასა და გამოცდილების გაზიარებას

ვიზიტები განხორციელდა IKSAD-ისა და საქართველოს მეცნიერებისა და ტექნოლოგიების ასოციაციის მხარდაჭერით, რომლებთანაც უნივერსიტეტი 2025 წელს გაფორმებული მემორანდუმის ფარგლებში ნაყოფიერად თანამშრომლობს.

აღნიშნული ნაბიჯები მნიშვნელოვანია GAU-ს ინტერნაციონალიზაციის სტრატეგიისთვის, რაც აძლიერებს უნივერსიტეტის პოზიციებს გლობალურ საგანმანათლებლო სივრცეში და ქმნის ახალ შესაძლებლობებს ჩვენი სტუდენტებისთვის.