ქართულ-ამერიკული უნივერისტეტი აცხადებს გაცვლით პროგრამას კორეაში, სონგშინის ქალთა უნივერსიტეტში! პროგრამის ფარგლებში გამარჯვებული კანდიდატი შეძლებს დაფინანსების მოპოვებას და სწავლას ერთი სემესტრის განმავლობაში (2026-2027 სასწავლო წლის, შემოდგომის სემესტრი).

კონკურსში მონაწილეობის პირობები:

• კონკურსში მონაწილეობის მიღება შეუძლიათ GAU-ს ბიზნეს ადმინისტრირების, სამართლის, სოციალური მეცნიერებების და დიპლომატიის სკოლის, ასევე, ინფორმატიკისა და ინჟინერიის, ჰუმანიტარულ მეცნიერებათა და ლიბერალური განათლების სკოლის საბაკალავრო პროგრამის, მესამე, მეოთხე, მეხუთე და მეექვსე სემესტრის სტუდენტებს.
• კონკურსში მონაწილეობის მიღება შეუძლიათ როგორც მდედრობითი, ასევე მამრობითი სქესის წარმომადგენლებს.
• საშუალო შეწონილი ქულა (GPA) უნდა აღემატებოდეს 3.0-ს.
• აუცილებელი წინაპირობაა ინგლისური ენის B2 დონეზე ცოდნა, რაც შემოწმდება გასაუბრების შედეგად (საერთაშორისო სერტიფიკატი ჩაითვლება უპირატესობად);
• „უმაღლესი განათლების შესახებ საქართველოს კანონში” ცვლილების შეტანის თაობაზე საქართველოს კანონის 492 მუხლის მე-4 პუნქტის თანახმად დაუშვებელია გაცვლით საგანმანათლებლო პროგრამის მონაწილე სტუდენტისათვის სტუდენტის სტატუსის შეჩერება. მობილობის პროგრამაში მონაწილე სტუდენტი მშობლიურ უნივერსიტეტში ირიცხება, როგორც აქტიური სტუდენტი და შესაბამისად, სტუდენტმა ყველა სემესტრში უნდა გაიაროს ადმინისტრაციული რეგისტრაცია და გადაიხადოს სემესტრის საფასური ქართულ-ამერიკულ უნივერსიტეტში.

 დაფინანსება მოიცავს:

• უფასო სწავლა;
• ყოველთვიური სტიპენდია, დაფინანსების მოპოვების შემთხვევაში;
• ფრენის ხარჯების ანაზღაურება დაფინანსების მოპოვების შემთხვევაში;
• ჯანმრთელობის დაზღვევა დაფინანსების მოპოვების შემთხვევაში ;
• შერჩეულმა სტიპენდიანტებმა თავად უნდა აანაზღაურონ სავიზო მოსაკრებლის ხარჯები

სააპლიკაციო დოკუმენტაციის ჩამონათვალი სტუდენტებისთვის:

• პასპორტის ასლი;
• ცნობა სტუდენტის სტატუსის შესახებ (ოფიციალური დოკუმენტი ინგლისურ ენაზე);
• უნივერსიტეტის ნიშნების ამონაწერი (ოფიციალური დოკუმენტი ინგლისურ ენაზე);
• სასურველია ინგლისური ენის სერტიფიკატი
• დეკანის რეკომენდაცია (მხოლოდ სამართლისა და ჰუმანიტარული სკოლებისთვის)

შესარჩევი პროცესი:

• დოკუმენტაციის მიღება/შემოწმება (ქართულ ამერიკული უნივერსიტეტი);
• დოკუმენტაციის შემოწმება/კანდიდატურის არჩევა/ სტიპენდიის მონიჭება (მიმღები უნივერსიტეტი - Sungshin Women's University

მობილობის პერიოდი და ხანგრძლივობა:

• 2026-2027 სასწავლო წლის შემოდგომის სემესტრი.

კონკურსში მონაწილეობის მსურველებმა 2026 წლის 9 მარტის 17:00 საათამდე გამოაგზავნეთ სააპლიკაციო დოკუმენტაცია (ყველა დოკუმენტი ცალ-ცალკე PDF ფორმატში) შემდეგ ელექტრონულ მისამართზე: exchange@gau.edu.ge.

გთხოვთ, მეილის სათაურად მიუთითოთ: სონგშინის ქალთა უნივერსიტეტი, ბაკალავრი.

დამატებითი კითხვების არსებობის შემთხვევაში დაგვიკავშირდით შემდეგი ელ-ფოსტის საშუალებით: nini.palavandishvili@gau.edu.ge  keso.mechurchlishvili@gau.edu.ge