11 მაისს, ქართულ ამერიკულმა უნივერსიტეტმა უმასპინძლა MedInsigh ჟურნალის მეხუთე გამოცემის ღონისძიებას — ეს იყო შთამბეჭდავი დღე, რომელიც აერთიანებდა მომავალი ჯანდაცვის ლიდერებს, კრიტიკული აზროვნების უნარით დაჯილდოებულ სტუდენტებსა და შემოქმედებით ახალგაზრდებს. ღონისძიებამ გააერთიანა სტუდენტები, რომლებიც მედიცინით, წერითა და ინოვაციებით არიან გატაცებული, ცოდნის, გამოცდილებისა და იდეების გაზიარების მიზნად.

დღის პროგრამა თბილი მისასალმებით დაიწყო, რის შემდეგაც სტუმრებმა რამდენიმე საინტერესო აქტივობაში მიიღეს მონაწილეობა. მონაწილეებმა წერის ხელოვნების მრავალფეროვნება Writing Workshop-ში (წერის სამუშაო შეხვედრაში) გამოიკვლიეს, ხოლო ლექსების წაკითხვის სესიაში სიტყვების ძალა გულწრფელი ემოციებით იზეიმეს.

Patient Safety Quiz-ში (პაციენტის უსაფრთხოების ქვიზი) სტუდენტებმა თავიანთი ცოდნა გამოცადეს, Diagnostic Competition-ში კი გუნდებმა კლინიკური აზროვნების უნარი სწრაფ ტემპში წარმოაჩინეს. ღონისძიების განმავლობაში ასევე გაიმართა სახალისო და ინტერაქტიული თამაშები, რომლებიც გუნდურობას, კომუნიკაციასა და მეგობრულ კონკურენციას უწყობდა ხელს.

დღის ერთ-ერთი მთავარი ღირშესანიშნაობა იყო MedInsight-ის მეხუთე გამოცემის პრეზენტაცია, რომლის ფარგლებშიც მონაწილეებმა უნიკალური ხედვები მიიღეს სამედიცინო წერასა და პუბლიკაციების სამყაროში.

MedInsight 5.0 გაცილებით მეტი იყო, ვიდრე უბრალოდ აკადემიური ღონისძიება — ეს იყო სტუდენტური ინიციატივის, კრეატიულობისა და მომავლის ჯანდაცვის ერთობლივი ხედვის ზეიმი.

ღონისძიება გაიმართა Medical Alumni Career Club (M.A.C.C)-ისა და IHI Student Club-ის ორგანიზებით.