საგანმანათლებლო პროგრამების კატალოგი

ზოგადი ინფორმაცია ქართულ-ამერიკული უნივერსიტეტის შესახებ

ქართულ-ამერიკული უნივერსიტეტი (GAU), როგორც კერძო სამართლის იურიდიული  პირი, დაარსდა 2005 წლის 21 იანვარს.  ქართულ-ამერიკული უნივერსიტეტი საქართველოს კანონმდებლობის შესაბამისად ავტორიზებული  უმაღლესი საგანმანათლებლო დაწესებულებაა.

GAU ახორციელებს სამივე საფეხურის აკადემიურ საგანმანათლებლო პროგრამას. დაწესებულების სახეა - უნივერსიტეტი.

უნივერსიტეტი აერთიანებს ბიზნესის, სამართლის,  სოციალური მეცნიერებების და დიპლომატიის, საბუნებისმეტყველო მეცნიერებებისა და ინჟინერიის, ლიბერალური განათლებისა და ჰუმანიტარული მეცნიერებების სკოლებს (ფაკულტეტებს). მათი ძირითადი ფუნქციაა ხელი შეუწყონ სასწავლო გეგმით გათვალისწინებული შესაბამისი კომპონენტების რეალიზაციას.

ქართულ-ამერიკული უნივერსიტეტის მისია

უმაღლესი განათლების შესახებ საქართველოს კანონმდებლობის შესაბამისად, ქაუ იღებს პასუხისმგებლობას ქვეყნის საგანმანათლებლო სივრცეში უზრუნველყოს სახელმწიფოებრივი და საზოგადოებრივი განვითარების შესაბამისი სასწავლო და საგანმანათლებო სტანდარტები.

 ქაუ-ს მისიაა მოწინავე სამეცნიერო-კვლევით და სასწავლო-პრაქტიკულ მოდელებზე ბაზირებული კვლევის წარმოება და ინოვაციური განათლების მიცემა, საყოველთაოდ აღიარებული მაღალი სოციალური და მორალური პასუხისმგებლობის მქონე კადრების წარმოება.

ქაუ მუდმივად ახორციელებს საგანმანათლებლო პროგრამების ხარისხის გაუმჯობესებას სტრატეგიული დაგეგმარების, ხარისხის მართვის, აკადემიური პერსონალის კვალიფიკაციის ამაღლების, თანამედროვე კვლევების, ეფექტური და გამჭვირვალე მართვის სტრუქტურის მეშვეობით. ქაუ უზრუნველყოფს საქართველოს

კანონმდებლობით გათვალისწინებული აკადემიური ხარისხების მინიჭებას იმ მოთხოვნილებების შესაბამისად, რაც წაეყენებათ სამეცნიერო თუ პრაქტიკოს სპეციალისტებს მსოფლიო ბაზრის მზარდი გაფართოების, რეგიონალური, სავაჭრო და პოლიტიკური ბლოკების ჩამოყალიბების, კომპიუტერული და ტელეკომუნიკაციების განვითარების და ამ პროცესში საქართველოს ინტეგრაციის

ფონზე.

ქაუ აგრეთვე ორიენტირებულია იმ საზოგადოებრივი მისიის შესრულებაზე, რომელიც განპირობებულია ქართული საზოგადოების ეროვნული და ინტეგრაციული ინტერესებით. ეს გამოიხატება საერთაშორისო და ეროვნული გამოცდილების შერწყმის გზით მაღალკვალიფიციურ საგანმანათლებლო მომსახურებაში. ქაუ-ს მისია განსაზღვრავს მიზანთა ერთობლიობას, რომელიც განაპირობებს ქაუ-ს ვალდებულებებს მისიასთან მიმართებაში. ამდენად, ქაუ-ს გააჩნია ჩამოყალიბებული მიზნები, ამოცანები, ნათლად დასახული საქმიანობის პრიორიტეტები და მათი განხორციელების ეფექტური სტრატეგიული გეგმა.

საკონტაქტო  ინფორმაცია: 

მისამართი: საქართველო, თბილისი, მერაბ ალექსიძის ქ. №10

საფოსტო ინდექსი: 0160

დაწესებულების ვებ-გვერდი: gau.ge

დაწესებულების ელ-ფოსტა: info@gau.ge

ტელეფონი /ფაქსი: (+995) 32 220 65 20, (+995)32 249 22 55 / (+995)32 220 65 19

ხელმძღვანელი / წარმომადგენელი

პრეზიდენტი: რ. მაიკლ ქაუგილი

ტელეფონი: (+995) 599 98 71 50

ელ-ფოსტა: rmichaelcowgill@yahoo.com

პირველი ვიცე-პრეზიდენტი: ნინო ტორონჯაძე

ტელეფონი: (+995) 599 54 08 54 

ელ-ფოსტა: ninotoronjadze@gau.ge

ხარისხის უზრუნველყოფის სამსახურის ხელმძღვანელი: ქეთევან ჯინჭარაძე

ტელეფონი: (+995)514 39 00 93 

ელ-ფოსტა: ketijincharadze@gau.ge